R.5
Lingua en il focus
A
Perscrutar lingua
1
Las scolaras ed ils scolars san perscrutar e cumparegliar linguas. Per quel intent san els rimnar, ordinar e cumparegliar material linguistic. Ils scolars san formular supposiziuns davart quest material e las verifitgar.
renviaments
R.5.A.1
Las scolaras ed ils scolars ...
1
a
- san eleger material linguistic cun agid da criteris e l'ordinar (p. ex. sortir pleds tenor lur sun inizial, ordinar tenor rimas, rimnar pleds tar ina tematica, rimnar furmlas da salidar).
- san parzialmain descriver lur proceder.
2
b
- san eleger material linguistic d'ina rimnada existenta u al elavurar sezs or d'ina u pliras linguas (p. ex. maletg sonor d'autras linguas, pleds, frasas pictograms, linguas secretas ed autras scrittiras, locuziuns, texts) e descriver lur proceder a moda chapibla.
- san ordinar lur rimnada tenor criteris dal cuntegn e formals, sch'els survegnan ils criteris necessaris.
- san cun sustegn perscrutar lingua cun agid d'emprovas linguisticas (p. ex. emprova da spustada, emprova da l'infinitiv).
- san formular atgnas supposiziuns davart fenomens linguistics perscrutads.
3
c
- san applitgar independentamain emprovas linguisticas per analisar structuras da lingua tenor criteris formals (p. ex. emprova da spustada, emprova da l'infinitiv).
- san giustifitgar co ch'els han rimnà, elegì ed ordinà material linguistic (p. ex. en cumparegliaziun da dus fenomens en ina lingua u d'in fenomen en duas linguas) e cumparegliar differentas soluziuns ina cun l'autra.
d
- san verifitgar atgnas supposiziuns davart il fenomen linguistic perscrutà entras nizzegiar las emprovas grammaticalas e la terminologia.
- Impressum
- Agid
- Davart il Plan d'instrucziun 21
- La CDEP-T
- Plan d'instrucziun 21 · 29.2.2016